The Online Froissart

Edition mode Settings Browse | Collate

pb 2 ret le preux roy Edouart d’Angleterre, de qui ceste histoire est commencee. L’autre eut nom Jehan d’Eltem et mourut moult jeune. L’ainsnee des deux filles eut a nom Ysabel et fut mariee au jeune roy David d’Escoce. Et par paix faisant. L’autre fille fut mariee au conte Regnault de Guerles, qui depuis fut appellé duc de Guerles, si comme vous orréz ci aprés en l’istoire se il vous plaist. Ce conte de Guerles eut de ceste dame deux filz, Regnault et Edouart, qui puis regnerent en moult grant puissance contre leurs ennemis.

SHF 1A-3 sync Comment Philippe de Valois par l’accort des XII pers fut couronné en roy, dont moult grans maulx advindrent au royaume de France et ailleurs.

Or dit le conte que ce beau roy Philippe eut III filz avecques celle belle fille Ysabel, qui fut mariee en Angleterre au roy dont j’ay parlé ci dessus. Et furent ces trois filz moult beaus, des quelz l’un ot a nom Loÿs, qui fut au vivant de son pere roy de Navarre. Et l’appeloit on le roy Hutin. Le second eut a nom Philippe le Long. Et le tiers ot nom Charles. Et furent tous trois roys de France aprés la mort du roy Philippe, leur pere, par droitte succession l’un aprés l’autre sanz avoir hoir masle de leurs corps engendré par voie de mariage. Si que aprés la mort du derrenier roy Charles les XII pers et les barons de France ne donnerent point le roiaume a la suer germaine du dit roy Charles, qui estoit roine d’Angleterre, pour tant qu’ilz vouloient dire et maintenir, et encores veulent, que le roiaume de France est bien si noble qu’il ne doit mie aler a femelle ne par consequent au roy d’Angleterre, son ainsné filz, car ainsi comme ilz veulent dire, le filz de la femme ne puet avoir droit ne succession depar sa mere la ou sa mere n’a point de droit. Siques par ces raisons le XII pers et les barons de France donnerent de leur commun acort le noble roiaume de France a monseigneur Philippe, filz jadis de monseigneur Charles de Valois, frere jadis de ce beau roy Philippe dessus dit, et en osterent le roy d’Angleterre et son filz, qui estoit hoir mascle et filz de la seur du derrenier roy Charle. Ainsi ala le dit roiaume hors de la droitte ligne, si comme il semble a moult de gens, de quoy moult de guerres sont nees et advenues et grans destructions de gens et de païs ou roiaume de France et ailleurs, si comme vous pouvéz ouir ci aprés. Car c’est la vraie fondation de ceste histoire pour raconter les grans entreprinses et les grans faiz d’armes qui en sont advenues. Car depuis le temps du bon roy Charlemaine, qui fut roy de France et empereur d’Alepb 2 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.