pb 105 r (vol. 1)chevaucha qu’il vint devant Vennes et la se loga.
¶ Or vous parlerons de messire Loÿs d’Espaigne, de messire Charles de Grimaut et de messire Othon Dorne, qui pour les temps estoient admiraulx de la mer a VIII galees, XII barges et XXX nefs chargees de Genevois et d’Espaignolz et se tenoient sur mer entre Bretaigne et Angleterre et porterent par pluseurs fois grant dommage aux Anglois qu’ilz venoient refreschir leurs gens de pourveances devant Vennes. Dont une fois entre les autres coururent sus la nave du roy, qui gisoit a encre sur un petit port deléz Vennes. Si occirent adoncques la plus grant partie de ceulx qu’ilz la gardoient, et y eussent porté trop grant dommage se les Anglois, qui seoient devant Vennes, n’y feussent acourus.
¶ Quant les nouvelles vindrent en l’ost, chascun y ala qui mieulx mieulx. Touteffois on ne se pot oncques haster que le dit messire Loÿs et sa route n’en menassent quatre nefs chargees des pourveances et si en effondrirent trois et perirent ceulx qui dedans estoient. Lors fut y conseillé au roy qu’il feist traire une partie de son navire ou havre de Brait et l’autre partie ou havre de Hambont. Si le fist ainsi comme il lui fut conseillié. Et tousjours se tenoit le siege devant Vennes et aussi devant la cité de Nantes et devant la cité de Rennes sans qu’aucunes gens se apparussent depar messire Charles de Blois pour lever le siege.
SHF 1-199 sync Comment ceulx du siege de Nantes s’en alerent a Vennes au roy d’Angleterre et aussi des trieves qui lors furent donnees.Nous retournerons a la chevauchee que le duc de
Normandie fist en celle saison en Bretaigne pour conforter son cousin, messire Charles de Blois. Le duc, qui avoit son assemblee et son
amas de gens d’armes en la cité d’Angiers, se hasta ce qu’il pot. Car il
entendi que le roy d’Angleterre dommagoit durement le païs de
Bretaigne et avoit assegié III citéz et pris la bonne ville
de Dignant. Si se parti d’Angiers moult estoffeement a plus de
IIIIM hommes d’armes et XXX d’autres
gens. Si s’arrouta le char le grant chemin de Nantes et le conduisoient
les deux mareschalx de France, le sire de Montmorenci, et le sire de
Saint Venant. Aprés chevauchoit le duc de Normandie et le conte
d’Alençon, son oncle, et le conte de Blois, son cousin. La estoient le duc de Bourbon, le conte de Pontieu, le conte de Bouloingne,
le conte de Vendosme, le conte de Dampmartin, le sire de Craon, le sire de Coucy, le sire de Suilly, le sire de Fiennes, le sire de Roye et tant de barons et de chevaliers de Normandie, d’Auvergne, et de Berry, et de Limosin, d’Angou, du Maine, de Poitou et de Xaintonge, que jamais je ne les aroie tous nomméz,
et encores croissoient ilz tous les jours. Car le roy de France reconfortoit son mandement pour ce qu’il avoit entendu que le roy d’Angleterre qui
seoit devant Nantes a siege. Si entendi le roy anglois que
le duc de Normandie venoit a lui pour lever le siege, ainsi que on l’esperoit
et avoit bien en sa compaignie XLM hommes. Ces seigneurs
anglois le segnifierent hastivement au roy d’Angleterre a savoir quelle chose
il vouloit qu’ilz feissent, ou se ilz se retrairoient.
¶ Quant le roy d’Angleterre entendi ces nouvelles, il fut moult pensis et ot pb 105 v (vol. 1)