pb 33 rGap: sampling Gap: sampling
SHF 1-57 syncQuant le conte de Haynault out ouy ce pourquoy ilz estoyent la envoyéz et les raysons et doubtances que le roy avoit mises avant, il ne les ouy mie a scens. Car il avoit ses raysons et doubtances sy appareillees que merveilles. Car quant on veulst entreprendre une grosse besoingne, on doit adviser et bien considerer comment on la pourra a fin mener et au plus pres peser ou l’en en pourra venir.
¶ Si dist ainsi le conte: "Se le roy y puet pervenir, sy m’aist Dieux, j’en aroye grant joye, ce puet on bien penser que je l’aroye plus chier pour lui, qui a ma fille que pour l’autre, combien que j’aye sa suer espousee. Car il m’a destourné couvertement le mariaige d’une de mes filles au jeune duc de Braibant, qui devoit espouser ma fille Ysabel, et l’a tenu pour une sienne fille, pourquoy je ne fauldray mie a mon chier filz le roy d’Angleterre, s’il treuve en son conseil qu’il le vueille entreprendre. Ains lui ayderay de conseil et d’ayde a mon loyal pouoir. Aussi fera Jehan, mon frere, qui aultreffoiz l’a servy. Mais sachiéz bien qu’il y fauldra avoir plus forte ayde que n’est la nostre. Car Haynault est un petit paÿs au regart du royaulme de France et Angleterre en gist trop loing pour nous secourre."
¶ "Certes, sire, vous nous donnés bon conseil et nous monstréz grant amour, de quoy nous vous repb 33 v