pb 10 rle roy fut envoyéz par le conseil de tous les barons et chevalliers ou chastel de
Bercler seant sur la grosse riviere de Saverne et fut recommandé au seigneur de Bercler que il en fist bonne garde et il dist que si feroit il et fut
ordonné a luy servir et garder bien et honnestement et gens d’estat entour luy qui bien savoyent que on devoit faire. Mais point ne le devoyent laissier partir du
pourpris. Ainsi fut il envoyé et commandé et enjoint et le dit messire Hue fut tantost livréz a messire Thomas Wage, mareschal de
l’ost.
¶ Aprés se party la royne et tout son host pour venir a Londres, qui est chief d’Angleterre, et se myst en chemin. Le dit messire Thomas fist bien et fort lier le dit messire Hue le Despenssier sus le plus petit maigre et chetif cheval qu’il pout trouver, et lui fist faire et vestir un tabar pardessus son habit, le dit tabar signé de telz armeures comme il souloit porter, et le faisoit ainsi mener par derrision aprés la royaulté et le conroy de la royne par toutes les villes il devoit passer a troppettes pour luy faire plus grant despit, tant qu’ilz vindrent a Hacfort, une bonne cité. La fut la royne moult reverentment receue a grant sollempnité et toute sa compaignie aussi, et tint la la feste de la Toussains moult grande et bien estoffee pour l’amour de son filz et des seigneurs estranges qui estoyent avecques lui.
SHF 1-18 sync Comment messire Hue le Despenssier le jeune eut la teste couppee et mis en quatre quartiers.Quant la feste fut passee, le dit messire Hue, qui point n’estoit améz la endroit, fut amenéz devant la royne et tous les barons et chevaliers qui la estoyent assembléz. La lui re furent recordéz tous ses faiz par escript que oncques ne dist riens a l’encontre. Si que la endroit fut jugiéz par plaine suite des barons et chevaliers a justicier en telle maniere comme vous orréz.
¶ Premierement il fut traynnéz sus un bahut a trompes et a trompettes par toute la ville de Harfort, de rue en rue. Et puis fut amenéz en une
grant place en la ville, la ou tout le peupple estoit assembléz. La endroit fut il liéz sur une esselle, si que chascun, petit et grant, le poit pouoit veoir,
et avoit on fait en la ditte place un grant feu.
¶ Quant il fut ainsi liéz, on lui couppa tout premier le vit et les couillons, pour ce qu’il estoit herite et sodomites, ainsi comme on disoit meesmement du roy et pour ce avoit le roy dechacié la royne de lui et par son ennort.
¶ Quant le vit et les couillons luy furent coppees, on les getta ou feu pour ardoir, Gap: wanting pour tant qu’il estoit faulx de cuer et traitre et que par son traistre conseil et ennort le roy avoit honny son royaulme et mys a meschief et avoit fait decoler les plus grans barons d’Angleterre, par lesquelz le royaulme devoit estre soustenu et deffendu. Et aprés il avoit si ennorté le roy qu’il ne pouoit ne vouloit veoir la royne, sa femme, ne son ainsné filz, qui devoit estre leur sire. Ains les avoit dechaciéz pour doubte de leurs corps hors du royaulme d’Anpb 10 v