pb 46 vmillions de florins a la chambre du pape, que nous ne pouons esmouvoir guerre au roy de France, a quiconques le soit, sans estre encouru en celle somme et escheoir en sentence. Mais se vous vouliéz faire une chose que nous vous dirons, vous y pourveirriéz bien de remede.
¶ C’est que vous vueilliéz enchargier les armes de France et escarteller d’Angleterre, et vous appeller roy de France, et nous vous demanderons quittance de noz fois, et vous la nous donréz comme roy de France. Et par ainsi serons nous absoulz et dispenséz, et yrions par tout ou vous vouldréz ordonner.
" SHF 1-89 sync Comment le roy d’Angleterre prist les armes et le nom du roy de France. Et des roberies et pilleries faites en Angleterre par la navire du roy de France.Quant le roy anglois ot oy ce point et la requeste des Flamens, il ot besoing d’avoir son conseil et bon advis, car pesant lui estoit de prendre les armes et le nom de ce dont il n’avoit encores riens conquis. Si ne sçavoit quelle chose lui avendroit, ne se conquerre le pourroit. Et d’autre part, envis refusoit le confort et aide des Flamens, qui plus lui pouoient aidier a sa besoingne que tout le remenant du siecle. Si s’en conseilla aux ducs de Guerles, au marquis de Juilliers et a ses plus secréz aliéz et plus especiaulx amis. Siques finablement, tout pesé le mal contre le bien, il respondit aux Flamens, par l’information des seigneurs dessus diz, que se ilz lui vouloient promettre et jurer et maintenir sa guerre, il entreprendroit cecy de bonne voulenté, et aussi il leur jureroit aidier a ravoir Lisle, Douay et Bethune. Lesquelz respondirent que ouy voulentiers. Donc fut prins ung certain jour pour estre a Gand, le quel jour se tint, et y fut le roy d’Angleterre et grant partie des seigneurs de l’Empire dessus nomméz alliéz avecques, et tous les conseilz de Flandres generalment. Et la furent les parolles devant dites relatees, proposees, entendues, accordees, escriptes, jurees et seelees. Et encharga lors le roy d’Angleterre les armes de France et l’escartela d’Angleterre, et de la en avant prist le nom du roy de France, et l’obtint tant qu’il le laissa par certaine composition, ainsi que vous orréz cy avant recorder en ceste histoire.
SHF 1-90 syncAd ce parlement qui fut a Gand il y ot pluseurs parolles dites et traictees, et conseillerent adonc les seigneurs qui la estoient
que sur l’esté qui revendroit ilz feroient tres grande guerre en France. Et proposerent et encouvenancerent qu’ilz assegeroient la cité de Tournay, de quoy les Flamens furent moult resjouys, car pb 47 r