pb 2 v (vol. 1)asséz preux tous ceulx qui en si crueuses batailles et si perilleuses ont esté veüz et demouréz jusques a la desconfiture souffantment faisant leur devoir.
SHF 1A-1 sync Comment le roy Edouart fut couronnéz a Londres, et de l’oppinion des Anglois.Premierement pour mieulx entrer en la matiere de honnourable et puissant histoire du noble roy Edouart d’Angleterre qui fut couronnéz a Londres l’an de Grace mil CCC XXVI, le jour de Noel, au vivant du roy son pere et de la royne sa mere. Certaine chose est que l’oppinion des Anglois communeement est telle, et l’a on veü avenir en Angle en Angleterre puis le temps du gentil roy Artus, que entre deux vaillans roys a tousjours eu I moins souffisant de sens et de prouesse. Asséz apparant est par le roy Edouart dont je parloie maintenant. Car voirs est que son ayeul, que on appella le bon roy Edouart, fut moult vaillant, sages et hardiz preudomme et entreprennant et bien fortunéz en faiz de guerres et ot moult a faire contre les Escos et les conquist trois fois ou quatre, et ne porent oncques avoir les Escos duree ne victoire contre lui. Et quant il fut trespasséz, son filz de son premier mariage, qui fut pere au gentil Edouart, fut couronnéz aprés lui, qui point ne le ressembla de sens ne de prousse, ainçois gouverna et maintint son royaume moult sauvagement par le conseil d’autrui, dont puis il lui mescheÿ laidement, si comme vous pourréz ouir cy aprés s’il vous plaist. Car asséz tost aprés ce qu’il fu couronnéz, le roy Robert de Breux, qui estoit roy d’Escoce, qui tant et si souvent donna a faire au bon roy Edouart dessus dit que on tenoit pour moult preux, reconquist toute Escoce et la bonne cité de Bervich avec et ardi et gasta grant partie du royaulme d’Angleterre, quatre journees ou cinq dedens le païs par deux et desconfist cellui roy et tous les barons d’Angleterre en un lieu en Escoce que on dit Estrunelin, par bataille rengee et arrestee, et dura la chace de ceste desconfiture par deux jours et par II nuis, et s’en affouÿ le roy d’Angleterre a moult pou de ses gens jusques a Londres. Mais pour ce que ce n’est mie de nostre matiere je m’en tairay a tant.
SHF 1A-2 sync Comment le pere au roy Edouart fut mariéz a la fille au roy Phelippe deCe roy qui fut pere a ce gentil roy Edouart, avoit deux freres de remariage, desquelz l’un estoit appelléz le conte Mareschaulx et estoit de moult sauvage et diverse maniere.
¶ L’autre avoit nom messire Aymés et estoit conte de Kain. Moult estoit cestui preudomme, doulx et debonnaire et bien aiméz des bonnes gens.
¶ Ce roy estoit mariéz a la fille du beau roy Phelippe de France, qui estoit une des plus belles dames du monde. Il ot de ceste dame deux filz et deux filles. Desquelx filz le premier est le gentilz et le preux roy Edouart d’Angleterre, de qui ceste hystoire est commenciee. L’autre ot nom Jehan d’Alten et mourut pb 3 r (vol. 1)