pb 82 vpour venir veoir et servir le dit messire Charles de Blois. Et encores ne estoit mie le fort chastel gaignié. Mais ceulx de dedens estoient si fort menéz et si presséz de famine qu’ilz avoient mengié par VIII jours leurs chevaulx et ne les volt oncques prendre a mercy, se ilz ne se rendoient simplement.

Quant ilz virent que mourir les convenoit, ilz issirent hors couvertement par nuit et se mistrent a la voulenté de Dieu, si qu’ilz passerent tout parmy a l’un des costéz de l’ost, dont aucuns furent apperceus et tuéz. Mais messire Henry de Pennefort et messire Olivier, son frere, et plusieurs autres se sauverent et eschapperent par ung bouchet qui la estoit et s’en alerent droit a Hambout devers la contesse. Et les compaignons chevaliers et anglois et bretons les receurent liement. Ainsi recouvra messire Charles de Blois le fort chastel d’Aulroy par affaimer ceulx qui le gardoient, ou il avoit esté par l’espace de dix sepmaines et plus. Si le fist refaire et rappareillier et bien garder et garnir de bonnes gens d’armes et de toutes autres pourveances. Et puis se parti a tout son ost et ala assegier la cité de Vennes, dont messire Geuffroy de Malastrait estoit cappitaine, et se loga tout entour. L’endemain aucuns compaignons bretons et souldoiers, qui gisoient en une ville appellee Plearmel, issirent hors et se mistrent pour gaignier. Si vindrent estourmir l’ost de messire Charles de Blois et se ferirent en l’un des costéz. Mail ilz furent enclos quant l’ost fut estourmy. Et perdirent de leurs gens grossement et les autres s’en fouirent. Mais ilz furent chaciéz jusques a PlearmelGap: illegibleet ceulx de l’ost vindrent Vennes. [Quant] ceulx de l’ost qui est[oient arméz] Gap: text thoroughly erased, only partially visible under UV light de ce retour assaillir la cité de Vennes forment et roidement, tant qu’ilz gaignerent par ce les barrieres de la cité jusques a la porte. La ot tres fort assault et plusieurs mors, d’une part et d’autre, et dura jusques a la nuit. Adoncques fut accordé ung respit qui devoit durer jusques a l’andemain tout le jour, pour les bourgois conseillier, assavoir mon s’ilz se rendroient ou non. L’endemain ilz furent tellement conseilliéz qu’ilz se rendirent, malgré messire Geuffroy de Malasrait, leur cappitaine. Et quant il vit ce, il se mist hors de la cité couvertement endementres que on parlementoit et s’en ala devers Hambout. Et le parlement se fist ainsi que messire Charles de Blois et les seigneurs de France entrerent en la ville et prindrent la faulté des bourgois. Et se reposerent en la cité par cinq jours. Puis s’en partirent et alerent assegier une aultre forte ville que on appelle Craas.

¶ Or lairons ung petit a parler d’eulx et retournerons a messire Loÿs d’Espaigne.

Sachiéz que quant messire Loÿs d’Espaigne fut montéz au port de Garlande sur mer, il et sa compaignie alerent et tant nagerent par mer qu’ilz arriverent en la Bretaigne bretonnant, au port de Camperilly, et asséz préz de Camperentin et de Saint Mahieu de Fine Poterine. Gap: illegiblePuis alerent ardoir et piller le païs issirent des naves et alerent rober et ardoir tout le païs et trouverent si grant avoir pb 83 r