The Hartlib Papers

Title:Copy Petition For Sponsor For Geometrical Invention, Francois Du Laurens, In Latin
Dating:july 1659
Ref:8/57/5A-B: 6A-B BLANK
[8/57/5A]

[right margin:] Paris Iuly.
                  -59.
      Invitatur qvicunque sponsionem vult
      suscipere super inventione duarum
      mediarum Proportionalium.
Postqvam inveni duas medias proportionales per Geometriam Planorum, paratus sum sustinere cum sponsionis discrimine, qvod methodus, qvâ in iis inveniendis utor fallere non possit. Qvòd si qvis sponsionem super eò mecum suscipere velit is ne gravetur adire Dominum Mylon Advocatum Parlamenti, habitantem in vico Tirechappe Lutetiæ, atque illi mentem suam exponat. Et simul de summa inter nos convenerit (qvæ debet statui pro facultatum mearum modulo) scriptum concipiemus, ne qvis æqvivocationi locus relinqvatur, qvo me ad conditiones seqventes adstringam. Videlicet: Me exhibere velle Demonstrationem Analyticam Problematis propositi, ac deinde effectionem ejus Geometricam per Doctrinam Planorum. Demonstratio consistit in una æqvatione, qvæ nonnisi ad 2dum gradum ascendit, licet, priusqvam illuc perveniam, utar 2. æqvationibus[altered] alijs multò magis compositis, qvas reduco tandem ad secundum gradum per secretum qvoddam minimè vulgare. Et si in processu Demonstrationis meæ monstrari mihi
[8/57/5B]

possit, qvòd necesse sit alicubi adhibere qvicqvam præter Regulas proportionum & calculum vulgarem, qvem restringo ad Additionem, Subtractionem, Multiplicationem, Divisionem & Extractionem radicis qvadratæ, vel si opus sit Doctrinâ Solidorum, sive ad effectionem meam Geometricam, sive ad reductionem qvantitatum mearum ipse ego me statim condemnabo. Verùm, si ex adverso calculus meus deprehendatur justus & solutio mea proba secundùm Regulas Analyticas; tùm postulo ut victoria certaminis mihi cedat, neque ad synthesin ad stringar ego. Qvapropter ut spatium detur omnibus hanc rem congnoscendi patêre si nam hoc stadium 6. septimanis, intra qvas sponsionem facere cuivis liberum esto. Ajo qvoque methodum meam esse universalem ad inveniendas medias proportionales qvotlibet, etiamsi illam nonnisi in duarum inventione expertus sim hactenus. Spero item fore, ut angulares sectiones pariter adjungam qvâ in re multum operæ posui dudum, atque his 2bus Inventionibus reducam omnes difficultates Problematum Geometricorum ad doctrinam Planorum.
                          Fransois du Laurens.