The Hartlib Papers

pieces differentes, et advancé d'autant de poincts qu'il en sera descouverts par les dez ou le totum.

son chemin, et cependant payera le tribut ainsi que les Caravannes ont accoustumé de payer aux Souverains des pays où ils passent.

par le vents dans le monde Polaire cotté 9. et pour cet effet mettra de nouveau au jeu.

necessairement apporter a l'acquisition des Sciences, où pourra aisement posseder la cognoissance des Paäs, le denombrement des villes Capitales, et autres places de l'Vnivers, et sçavoir en mesme temps leur assiette, et autres particularitez; le suppliant desireroit mettre cette Science en lumiere à tous nos Sujets qui auront la curiosité de s'en rendre capables, et pour cet effet outre l'intelligence qu'il donnera par abbregé, il luy est necessaire de faire graver ledit Ieu du Monde, afin de rendre son invention publique, ce qu'il ne peut faire sans une grande despense, en consideration de laquelle il nous a tres- humblement supplié luy accorder nos Lettres de Privilege sur ce necessaires. A ces Causes, desirant fauorablement traiter ledit DU VAL suppliant, et luy donner le moyen de se recompenser de son travail et des grands frais qu'il luy conviendra faire pour en donner la cognoissance au public, Nous luy avons permis et permettons a ces presentes, de faire [tuiller? altered], ou graver, soit en bois, ou en cuivre, au burin, ou a l'eau forte, la figure [appelléee?] le Ieu du Monde, pour donner au public la cognoissnce des Pays, le denombrement des villes Capitales et autres Places de l'Vnivers: Sçavoir en mesme temps leur assiette, et autres particularitez, la mettre en telle forme et

en telle grandeur qu'il conviendra, de la faire imprimer avec le Discours abbregé, les figures enluminées ou sans couleur, & ce par tels Graveurs et Ouvriers qu'il advisera: ensemble un Livret contenant l'Explication. Permettant audit Suppliant de les faire vendre et debiter par telles personnes qu'il voudra choisir pendant le temps et espace de cinq années, pendant lesquelles nous faisons tresexpresses defenses à tous autres de quelque qualité et condition qu'ils soient, de contrefaire les dites figures et Livrets sous pretexte de changement, augmentation ou autre deguisement en quelque sorte et maniere que ce soit, ny de faire representer en se servant de cette Invention en semblables Figures sans le consentement de l'exposant, ou de ceux ausquels il aura transporté le present Privilege. Voulons que tous ceux qui en auront faict, ou qui en exposeront en vente sans sa permission[altered] soient condamnez, comme nous les condamnons des à present comme pour lors, en tous ses despens, dommages & interests, et en outre en trois mil livres d'amende payables sans deport par chacun des contrevenans applicables un tiers à nous, un tiers a l'Hostel Dieu de Paris, & l'autre tiers à celuy qui aura le droict dudit Du Val: [catchword: a]

à condition que ledit Du Val en fournira deux exemplaires en nostre Bibliotheque autant que de les exposer en vente, à peine de nullité des presentes. Si Vous mandons que vous le faisiez joüir plainement, paisiblement et perpetuellement de tout le contenu ci-dessus, sans souffrir qu'il luy soit faict aucun empeschement: Et parce qu'on pourra avoir besoin des presentes en divers lieux, nous voulons qu'au copies qui en seront deüement collationnées par l'un de nous amez et feaux Conseillers et Secretaires foy soit adjoustee comme au present Original, cesdites presentes estant inferées dans l'explication dudit Ieu du Monde. Mandons en outre au premier nostre Huissier ou Sergent sur ce requis de faire pour l'execution des presentes tous exploits necessaires, sans demander autre permission: Car tel est nostre plaisir, non obstant clameur de Haro, Chartre Normande, et toutes autres lettres et concessions à ce contraires, ausquelles[altered] nous avons derogé et derogeons par ces mesmes presentes pour ce regard.