The Hartlib Papers

Monsieur et trescher frere en Christ,       ma foiblesse produite de trois sortes de maladie, [a scavoir?] Catharre, Diarrhee, fiebure, ne ma permis de vous aduiser plustot de la reception des vostres du 2 et 6 de ce moys. Ie vous remercie de la promesse que me donnes de recommander l'affaire de mon pauure Cousin a Messieurs Camerarius et Swallach, Il fait estat d'aller a francfort lundy ou mardy, pour en ressentir les effects, ausquels I'auray part pour le recognoistre enuers vous et eux ou Ie pouray.         Ie n'ay encores receu aucun des papiers que mentionnés, d'Appelius ou autre, en suite Ie n'en peux rien dire, mais Ie rends graces a Dieu de la gracieuse audience qu'aues eu du Duc de Weinman, Les Theologiens de ce paÿs la se sont monstrés autre fois fort aspres enuers les nostres si l'esprit de Douceur les adoucissoit a l'aduenir, nous aurions tous suiet de l'en remercier

I'attens passionnement la response qu'aures obtenu du Conseil formé, non de vray sans crainte, procedante du pli des affaires a present. Vous scaués que I'eusse desiré que ne pressies a present, aiant de la grace de Dieu beaucoup effectué en ceste affaire, et que ceste recerche solemnelle eust esté faite par sa Majeste de la grande Bretaigne, ou du moins de L'Archeuesque et Euesques [sc.?] / estimant quelle auroit plus de poids enuers eux, et semblables en grandeur en Allemaigne, dautant plus qu'Ils en seroient requis par tel nombre de Theologiens en tant de quartiers, [sc.?] vous scaues que cest le but de mon dernier article, /        Monsieur Du faÿ m'escrit que desirés, Consensum orthodoxum, Ie ne scay lequel s'est, I'en ay vn in folio de sententia et veritate verborum Coenæ Dominicæ [&c 1.?] Tiguri apud [froschouerum?] [1385?]. Item Irenicum Hutteri et Paul. [Goruitz?] / Ie ne les ay veu ny les ay mais bien vn gros et passionné traité dudit Hutterus Inscript Concordia concors. &c. in fol. Witebergæ 1614. qui est comme tout ce que Dieu ma presté a vostre commandement, mais Ie ne vous conseillerois de le lire, peur qu'Il ne vous apporte quelque [destourbier?] en vostre Saint dessein, car tels escrits feroient perdre l'espoir de Revnion. / Voici des lettres que I'ay receu il y a enuiron 2 heures, renuoies la mienne au plustot pour y respondre a opportunité. Mon second fils duquel I'estois en extreme apprehension non sans cause, arriue aussi a l'instant, dont I'ay ioie non petite au coeur ores que malade, benit soit Dieu, lequel Ie supplie de nous continuer la conduite de son Saint Esprit a benediction eternelle, Nous Tous en ma famille vous saluons et toute la vostre, demeurant

     Monsieur et tres honoré frere

       Vostre humble seruiteur et cordial ami au Seigneur

                       Du Boys.

De hanau le 9 d'Aoust 1633 /

      1633

   Mr du Boys

Scr. Francf. <[Hanav?]> ---- 9. Aug

Acc. Francfort ---- 10. eiusdem