Title: | Latin Elegy On William Herbert, Jo. Cope |
---|---|
Dating: | undated |
Ref: | 50/25A-26B: 25B-26B BLANK |
[50/25A]
Piæ Memoriæ
Nobilissimi et Generosissimi Domini
Gulielm: Herbert: Filij, illustrissimi
Philippi Comitis Pembrochiæ, &c.
Quis iacet hoc Tumulo; si quæris forte Viator,
Siste gradum, hæc referent marmora mæsta tibi.
Est hic Herbertus, virtute, et nobilis ortu,
Nobilis et magni dotibus ingenij.
Cui notæ linguæ, veneranda scientia, juris
Ac possit quicquid nobilitare genus.
Artibus ornatus cunctis, nullique secundus
Inque Deum, Patriam, Relligione, fide.
Quem, nivei mores, generosa modestia vultus,
Absque supercilij nube benigna manus,
Quemque animi Candor, notum fecêre Britannis,
(Et nimis infaustæ) gloria Militiæ.
Quam verè dictum, raris est rara senectus,
Sic vrtica viret, dum Rosa verna cadit.
O quem si reducem, superas vt viseret auras,
Possemus precio, vel revocare puere.
Non caput exiguâ sanctum latitaret in Vrnâ
Nestoreos dignum vel superasse dies./
Io: Cope/