The Hartlib Papers

          Salûtem et Officia

Clarissime, Spectatissime Vir, Domine ac fautor plûrimum colende, verbulo uno alteróve ut me expediam nautæ abitûrientis postûlat festinatio. Londino Dantiscum usque in via hæsi ultra mensem: heri feliciter per Dei gratiam oppuli: modò in nautam[altered] incido cuius operâ uti desidero in literis ad Dominum D. Turissum destinatis. Si ad Claritatem Vestram pervenerint, spero promovebuntur occasione primâ ad destinatum locum: id quod obnixè rogo. Ego vicissim pro ista gratiâ quæ mihi hoc in negotio exhibebitur, ad omnia officia ero paratissimus. Si quid literarum à Domino D. Turisso ad me erit, id ad ædes Dominum Niclassium si pervenerit, probè curatum erit: Cûi hodie et literas et libros tradam ex si modò navis proprior facta fuerit in qua reliqui cistam et sarcinas meas. Adibo quoque Dominum fratrem et curanda curabo probè: plura nunc scribere tempus prohibet.

Vale Vir Clarissime et fave. Dabam raptissimè Dantisci calendis Octobribus anno 1641.

                               Claritati Vestræ

                                 officiosissimus

                                      Iohannes Schuius

                                             manu propria

          To, his verie much

          honoured friend Mr. Hartlieb

          at his house in Ducks place

                          Londen

          This letter may be delivered

          to Master Hartlieb his owne

          hands upon the Royall exchange

[below, hand Z?:] Schujus