The Hartlib Papers

[Avery:] Regis Daniæ ad Propositionem primam Responsio.

Serenissima Regia Daniæ Majestas Dominus Noster Clementissimus, percepit tam exorali propositione, quam in Scriptis, paulo luculentius facta declaratione, Nobilissimi Domini Iosephi Averie, Anglici Hamburgi Residentis, quæ serenissimæ itidem, Regis Magnæ Britanniæ Majestati in desiderijs fuerint ipsique ad proponendum Commissa, et postquam Eidem plurimam salutem, firmæ valetudinis diuturnitatem, etiam consiliorum et actionum quam prosperrimos successus, omniumque bonorum in Crementum dextro et amico animo vicissim Comprecatur, Cardinem totius negotij in his paucis consistere deprehendit; videlicet, quod prædicta Serenissima Regis Magnæ Britanniæ Majestas primum, quantum studij, laboris et sumptuum Continuis, multi fariisque intercessionibus, sollicitationibus et Legationibus pro restituenda Domo Palatina, paceque Universali, quæ nisi pravia hujus Causæ accommodatione stare vel firma esse possit recuperanda, notorie impenderit, exaggerare; dejnde, netandem, per præsentes tractatus particulares, ad quos solius/: sic verba sonant:/ Regiæ Daniæ Majestatis instinctu, suasuque inducta sit, præter temporis dispendium, etiam foederum in eundorum rerumque gerendarum oportunitatis, utique quæ jam forsan Capillata ultro sese offerat, jacturam pateretur, subvereri voluerit, amice petens, non gravetur Serenissima Regia Majestas Daniæ, porro pro auctoritate, solitoque in hanc causam affectu, præsertim Cum illa tum quoad particulares, quam vniversales tractatus, Mediatoris partes adhuc sustinere, pacemque agoni [squiggle?] anti Germaniæ ita postliminio quasi reducere, impigre, pergat, apud imperatorem, ut tempestive rebus hisce Palatinis prospiciatur, nec a generalibus postmodum illæ excludantur, efficere, vel alias pro jure necessitudinis bono suo Consilio, maxime ubi sub præsenti Regis Daniæ armatura Eidem et Consiliis et auxiliis præsto esse prompta sit Majestas Britanniæ, subvenire, voluti ea omnia in Scriptis tradita plenius Contestantur. Ad hæc Serenissima Regia Majestas Daniæ amice et gratiose regerit, quod quidem taceat suum studium, sumptus, et labores in eadem Causa, æquali fiducia in defesse exantlatos, nunquam tamen se meminisse posse, a se Consilium particularium tractatuum, ut nunc adscribitur, primum profectum, e contra vero summis precibus ut promoveret, et suos mitteret, fuisse efflagitatum Nam, cum Sacra Cæsarea Majestas initio hanc Causam ad tractatus Colonienses, quasi sub obtutu et connexitate Regis Galliarum, remitteret, Regiæ vero Majestas Daniæ Domui Palatinæ hoc ipsum non usquequaque Commodum arbitraretur, accessit quod Serenissima Magnæ Britanniæ Majestas vigore propriarum literarum, adhuc, in regio archivo Gluckstadij bene adservaturam, Eidem plenariam directionem, vel per vniversales vel particulares tractatus huic Causæ remedium quærendi, pure et simpliciter Contulerit; de hinc tandem injecta est particularium mentio, ita tamen, ut per omnia, si per hos integre non satisfieret, regressus ad Universales Salvus subjnde maneret, quippe Causa hæc ardua sua natura ad Comitia generalia alias pertinuisset, decisionemque Coram facie totius Imperij sortiri debuisset; hac fiducia particulares illos tractatus Regia Majestas Daniæ pro virili promouit, suosque Legatos misit, neque talem, prout nunc experitur, gratiarum actionem expectasset, quod enim eventus Consilio et intentioni hactenus non responderit, vel adhuc Viennis tractatus pro voto non Succedant, potius injuriæ temporum, quam ipsi imputandum, neque pro regem, suum Certis de causis et ratione regni sui tractatibus avocando plane manum de tabula traxit, sed alterum membrum Legationis per omnia renovato denuo, mandato substituit, rebusque ulterius Viennis tractandis præfecit, de hinc persuadeat, sibi Serenissima Britanniæ Majestas Regiam Majestatem Daniæ nihil unquam antiquius, vel magis Curæ, Cordive habuisse, quam Consultis optume rebus Palatinis vniversali paci et tranquillitati viam sternere; verum antequam, ex aula imperiali, qualis in præsentiarum Causæ sit facies, vel quænam resolutio Domino Legato de Roe ibidem tandem data fuerit, eluceat, [catchword: Certoque]

          Copie

Of My first Proposition to the

 King of Denmarke, together

 with his answere.