| Title: | Copy In Scribal Hand ?, King Of Denmarks Recredentialls To His Majestie |
|---|---|
| Dating: | 1 October 1641 |
| Ref: | 45/3/18A,18B |
[45/3/18A]
CHRISTIANUS Quartus Dei GRATIA, DANIÆ, NORwegiæ, Gothorum, vandalorumque Rex, Dux Sclesuici, Holsatiæ, Stormariæ et Dithmarsiæ, Comes in Oldenburgh et Delmenhorst/ Serenissimo principi ac Domino, CAROLO Magnæ Brittaniæ, Franciæ et Hÿberniæ Regi, Fidei Defensori, Nepoti et Fratri nostro Charissimo, Salutem et omnis prosperitatis inCrementum: Serenissime Princeps, Nepos et Frater charissime. Literas Serenitatis Vestræ fiduciales Ejusdem Hamburgi Residens, nobilis sÿncere grateque nobis dilectus, Josephus Averÿ hoc loci, nobis exhibuit, et datæ Copia mandata sua coram exponendi, munere suo [egregia? altered] functus est; Quare, cum Nos vicissim animi nostri sensa ipsi explicaverimus, resolutionemque in scripta redigi curaverimus; non dubitamus, quin æquali virtute et dexteritate serenitatis Vestræ quam primum omnia sit relaturus: Rogamus saltem per amice, velit Serenitas Vestra æque ac Nos fecimus integram solitamque fidem Eidem retribuere. Cui de Cætero prosperrima quæque Comprecamur: Dabantur ex Castris nostris Fulsbuttelianis die i xbris Anno 1641:
