The Hartlib Papers

Title:Letter, Samuel Wartensky To Hartlib, In Latin
Dating:4 February 1659
Ref:32/3/6A-7B: 7A BLANK
View full size
[32/3/6A]

                     Nobilissime Vir
                        Fautor honorande.
Accepi Tuas tertio post die ex quo datæ sunt: vocatus enim eram ad concionandum cua in locum ubi Literæ relinquuntur, qui locus octo a nobis distat milliaribus: eo tempore literæ allatæ sunt et mihi traditæ. Casu igitur factum quòd tam cito eas acceperim. Si vero imposterum Tibi placuerit Literas ad me mittere; puto compendiosissimam esse viam, si superscribas hanc directionem to be lefft at Aulton, and send to Froile to my Lord Fiennesses house: si nimirum per Postam mittas: hac enim ratione expensis consuletur. Hactenus ad Te nihil literarum dedi, quia socrus mea iter suum ad vós differebat: hesterno die Tibi duo Calendaria (ut vocare placet) transmisi; num velis reliqua eo modo ut fiant, fac me scire revolutionem perpetuam quamvis mensium dierum et Lunæ, quam vis possim facere, verum multum temporis perdendo, nollem tantillum[altered] præstare. Calamitates meæ quibus ferè opprimor, propter hominum malè feriator
View full size
[32/3/6B]

audaciam, qui stipendium mihi debitum detinent, non permittunt[altered] ut pergere possim citius in iis quæ intendo: neque etiam licuit penitius considerare illud perp. mobile cujus schema ad me misisti. [ine?] iis tantum nondum mihi satisfactum videtur num perpet. illud mobile sit futurum universalis usus? num possit applicari ad movendas et impellendas molas omnium generum et ad cætera automata? etc. In causas hujus mobilis inquiram nactus paululum otii. Si Tibi placuerit pecuniam ad me mittere, trade, quæso, socrui meæ, et ab ipsa Chirographum accipe. Vale jam Nobilissime Vir Deo commandatus, meque solito prosequere favore quem semper reputa
Farnhami 4 Feb.            Nobilissimæ Tuæ Donatonis
    1658                         observantissimum
      59                            Sam. Wartensky
                                        [per?] propria
View full size
[32/3/7B]

[another hand:]          Wartensky
[Wartensky:]         For his much respected
                     friend Mr Samuel Hart
                     lieb Esq. these dd.
                     Axeyard Kingstreet   in
                     at Mr' Hartliebs
                     House.           Westminster.
                            post paid.