| Title: | Copy Protestation Against The Amnesty, Anon., In Latin |
|---|---|
| Dating: | 18 April 1641 |
| Ref: | 20/1/24A-25B: 24B, 25A-B BLANK |
[20/1/24A]
[Hartlib's hand:]
A Copie of the Protestation of the Nuncio
against the Amnestia
[scribal hand:]
Sacra Cæsarea et Regia Majestas.
Cum in præsentibus Imperialibus Comitijs, de mandato Vestræ Cæsareæ Majestatis in hac ciuitate Ratisbonensi convocatis conclusum fuerit, super amnestia[H? alters from amnistia] infra scripti uel alterius tenoris, ac diuersa fuerint ab hæreticis producta, ut ipsi vocant, gravamina. Cumque hæc sint contra SS. PP. decreta, Concilia, Oecumenica[H alters] generalia, ac Constitutiones. Summorum Pontificum; Ideo Ego Caspar Archiepiscopus[altered] Athenarum S. D. N. Urbani 8. ac sanctæ sedis Apostolicæ Nuncius, Sanctitatis suæ, ac Sanctæ Sedis nomine, sicut suj Pastoralis officij solicitudo postulat, Cæsaream Vestram Majestatem ut Romanum Principem et Ecclesiæ Romanæ Catholicæ Advocatum et Defensorem rogo, requiro, et hortor, ut majorum suorum vestigijs inhærens, et ut pietatem Majestatis Vestræ decet, incolumitatem et integritatem religionis Catholicæ et Ecclesiarum ac piorum locorum personarumque Ecclesiasticarum indemnitatem tuetur[altered], neque permittat aut consentiat secus quid fieri, aliàs omni meliori modo ejusdem Sanctissimi et sedis Apostolicæ nomine repugno et resisto, meque repugnare et resistere velle profiteor, prout certus sum, quod idem Sanctissimus, ac ipsa sedes Apostolica, repugnabit ac resistet. Ratisbonæ 18. Aprilis Anno 1641./.