| Title: | Copy In Hand A, Prescription For The Stone, In Latin |
|---|---|
| Dating: | undated |
| Ref: | 14/5/39A-40B: 40A-B BLANK |
| Notes: | Another copy at 14/5/22. |
[14/5/39A]
Sal contra Calculum Vesicæ Tholdij.
Tholdius in Haliographiæ part 4. sub titulo Salis Petræ.
Rp. Salis Petræ ter depurati, et ab omni fece & sale peregrino separati, q.v. ex sicca in sole, & dein ejus libram impone crucibulo, & ignem adhibe, ut probè fluat: qvod cum videris, sume sulphuris unciam dimidiam, ejusque ad magnitudinem fabæ superinjice frustrum Nitro fuso, cumque deflagraverit, iterùm injice tale frustulum, hocque repete, donec Uncia illa dimidia sulphuris fuerit consumta. Hoc factô, affunde Nitrum, & ubi frigore condensatum, tere, ac in Aqva destillata solve, filtra, & coagula, in sole exsicca, exsiccatum denuò in crucibulo funde, & ut antea cum sulphuris Uncia dimidia frustulatim injecta præpara, dein effunde, tere, solve, filtra & coagula ut antea. Huncque laborem etiam tertiâ vice repete: & habebis Salem Petræ ad Medicinam qvàm optimè paratum.
Iam Rp hujus Salis petræ, Salis Absinth. ana j [ounce], Succini albi [half ounce], Sacchari albi vj [ounces], Ol. Anisi g vj. M. Si vero Oleum Succini ad manus sit, longè melius est qvàm succinum ipsum.
[left margin: Amici mei notæ. Loco Succini albi vel Olei ejus Sumsi Salis Succini Volatis probè depurati [half ounce], & felicior fuit effectus.]
Hujus pulveris tantùm qvatùm ter mucro cultri (forsan ad [half ounce]) capit, qvovis die ter vel qva- [catchword: ter]
[14/5/39B]
ter adsume, et hoc qvidem per mensem & amplius fiat. Omnem mucum & saburram vesicæ everrit, frangitque calculum incipientem: si vero jam coagulatus est calculus, eum[altered] expellit absque sectione per intestinum rectum (qvod mirandum) unâ vice, radicemque hujus morbi ex fundamento extirpat; ut ipsissimâ experientiâ comprobavi. Qvi difficulter, vel omninò non mingere potest, eô qvoque utatur, et certissimè curabitur. &c.