[250ra] dedens :
« Entrez en celle soubzterrinea et suivez le chemin ; il vous menra en la sale du chastel de Cruvale. Vous trouverez un huys, le quel vous romperez a force. Vous estes gens assez pour tout ce faire et pour combatre ceulx du fort. »
Ilz respondirent :
« Monseigneur, volentiers. »
Ilz entrerent dedens et cheminerent tant que la voie les amena aux degrez prochains de la porte par ou on entroit en la sale du chastel. Lors commencierent ilz a ferir et a frapper contre l’uis de grandes et de trenchans haches et de gros marteaulxb pour desrompre et brisier la porte, et estoit ainsi que sur jour faillant. Les compaignons du chastel faisoient bon gait, si entendirent que on vouloit par la minec entrer ou chastel. Si saillirent tantost sus et alerent celle part. Espaignolet, qui se devoit couchier, y vint et donna conseil de getter baus, pierres, pieux et autres chosesd ou pertuis de la minee pour occuperf telement l’entree que on ne la peust descombrer. Tantost fu fait, autre defense n’y couvenoit. Nonobstant, ceulx qui ou conduit estoient charpenterent tant de leurs hasches que la porte fu en cent pieces, mais pour ce n’eurent ilz pas delivree l’entree ; ainçois eurent ilz plus a faire que devant. Quant ilz virent que c’estoit impossible d’entrer par la, si se mistrent au retour a venir en l’ost – si estoit environ mienuit – et recorderent aux seigneurs ce que ilz avoient trouvé, et comment ceulz de Cruvale s’estoient apparceuz de leur affaire et avoient telement occupeeg la voie et l’entree de la soubzterrine que par la impossible estoit d’entrer ou chastel. [250rb]
§ 24.
Comment le chastel de Cruvale et le chastel du Mesnil, seans es parties de Bigorre, furent prins par les François, et tous ceulx de dedens mors et pendush.
Adonc se cessa cil advis, et fu mandez l’engin ou les arbalestriers se tenoient pour trairei quant on vouloit assaillir, qui estoit encores a La Boufee. Il fu tout mis par pieces et achariez devant Cruvale, et puis remis et redreciez sur ses roes, ainsi comme il devoit estre et alerj. Et avecques ce on appareilla encore grant planté d’abillemens a assaulxk. Et quant tout fu prest pour assaillir, messire Gautier de Pasach, qui desiroit a conquerirl le chastel et ville de Cruvale, fist sonner trompetes en l’ost et armer toutes manieres de gens et traire chascun a son ordonnance, ainsi comme il devoit estre et aler. La estoit le seneschal de Thoulouse avecques ceulx de sa seneschaucie d’un costé. La estoit messire Rogier d’Espaigne, seneschal de Carcassonne, d’autre part avecques ceulx de sa seneschauciem. La estoient le sire de Barbesen, messire Benedic, le sire de Benac, le filz au conte de Esterach, messire Raymon de Lisle, et les chevaliers et les escuiers du païs, et chascun en sa bonne ordonnance. Lors commencierent ilz a assaillir, et ceulz de dedens a eulx defendre, car ilz veoient bien que faire leur couvenoit, car ilz se sentoient en dur parti ; bien congnoissoientn que messire Gautier n’en prendroit nul a merci, si se vouloient vendre tant comme ilz pourroient durer. La estoient arbalestriers genevoiz qui traioient de grant maniere et frapoient ces viretons si au juste parmi ces testes qu’il n’y avoit si jolis qui ne les redoubtasto, car qui en estoit attaint, il avoit fait pour la journee et l’en couvenoit reporter a l’ostel1. La estoit messire