[208ra] mais perdu par trop de fois trop grossement, car par une nuit d’une Saint Nicolas1 en yver l’an mil trois cens .lxij., le conte de Fois prinst assez pres du Mont de Marsen2 le conte d’Armignac, l’aïeula de cestui, le seigneur de Labreth3, son nepveu, et tous les nobles qui ce jour avecques eulx estoient, et les amena en Or[t]ais et encores en la conté de Foisb en la tour du chastel d’Or[t]ais, pourc .x. fois cent mille frans seulement de ceste prinse la.
« Or advint depuis que le pere du conte d’Armignac qui a present est, qui s’appelloit messire Jehan d’Armignac4, mist une chevauchee une foiz sus de ses gens et s’en vint prendre et escheler ceste ville de Casseres. Et y furent bien deux cens hommes d’armes, et monstroient que ilz la vouloient tenir de puissance. Les nouvellesd vindrent lors au conte de Fois, qui se tenoit a Pau, commente li Hermignages et li Labrissien avoient prins sa ville de Casseres. Il qui estf saiges chevaliers et vaillans, et confortez en toutes ses besoignes, appella tantost deux freres bastars qu’il ag a chevaliers, messire Ernault Guillaume5 et messire Pierre de Berne6, et leur dist :
« “Chevauchiez tantost devers Casseres. Je vous envoieray gens de tous lez, et dedens trois jours je seray la avecques vous. Et gardez bien que nul ne se parte de la ville qu’il ne soit combatu, car vous serez fort assez. Et vous venu pardevant Casseres, a force de gens du païs faites la aporter et acharier busches a grant planté, et mettre contre les portes et fichier et enter[rer]h au dehors, et puis ouvrer et charpenter au devant bonnes grosses barresi, car je vueil que tous ceulx qui sont la dedens y soient telement enclos que jamaisj par les portes en saillent. [208rb] Je leur feray prendre autre chemin.”
« Les .ij. chevaliers firent son commandement et s’en vindrent a Palamininch, et toutes gens d’armes de Berne les suivent et aloientk 7 avec eulx. Ilz s’en vindrent devant ceste ville de Casseresl et s’i logierentm. Ceulz qui dedens estoient n’en firent compte, mais ilz ne se donnerent de garde quant ilz furent telement encloz que par les portes ilz ne pouoient issir ne saillir. Au .iije. jour le conte de Foiz vint, accompaigniez de bien cinq cens hommes d’armes ; et sitost comme il y fu venus il fist faire barrieresn tout entour de ceste ville, et aussi barrieres entour son osto, par quoy de nuit on ne leur peust porter dommaige.
« En cel estat et sans assaillir tint il ses ennemis plus de .xv. jours, et eurent la dedens Casseres tresgrant defaulte de vivres ; des vins avoient ilz assez. Et ne pouoient issir ne partir fors que par la riviere de Garonne, et se ilz s’i boutoient, ilz estoient perdus daventaige. Quant messire Jehan d’Armignac et messire Bernard de Labreth8 et les chevaliersp de leur costé qui la estoient se virent en ce partiq, si ne furent pas asseur de leurs vies, car ilz sentoient le conte de Fois a trop cruel. Si eurent conseil que ilz feroient traittier devers lui, et que mieulx leur valoit a estre ses prisonniers que la mourir honteusement par faminer. Le conte de Fois entendi a ces traittiez, parmi ce qu’il leur fist dire que ja par porte qui feust en la ville ilz ne sauldroient, mais leur feroit on faire un partuis ou mur, et un et un, en purs leurs habis, ilz istroients. Il couvint que ilz preissent ce parti ; autrement ilz ne pouoient finer. Ainçois que le conte de Fois s’en feust plessiezt, feussent ilz la dedens tous mors. On leur fist faire un partuis ou mur qui ne fu pas tresgrant, par lequel
- Le 5 décembre 1362, lorsque Gaston Fébus vainquit Jean 1er, comte d’Armagnac, et Arnaud-Amanieu, sire d’Albret, à Launac (Haute-Garonne), au nord-ouest de Toulouse.
- Malgré ce qu’en dit ici Froissart, il est difficile de considérer Launac comme étant « assez près » de Mont-de-Marsan (Landes) !
- Arnaud-Amanieu, sire d’Albret, fut aussi fait prisonnier.
- Jean II, comte d’Armagnac. †1384.
- Arnaud-Guillaume de Béarn, frère naturel de Gaston Fébus.
- Pierre de Béarn, second frère naturel de Gaston Fébus.
- Mélange, à nouveau, d’un présent « dramatique » et d’un imparfait plus descriptif, les deux étant suivis d’un prétérit reprenant la narration proprement dite.
- Bérard d’Albret, neveu ou cousin du sire d’Albret ; appuya beaucoup le prince de Galles dans ses guerres.