The Online Froissart

Facsimile mode Settings Browse | Collate

pb 98 r

riviere de Somme, qui est grande, large et
parfonde et si estoient tous les pons
deffais ou si bien gardéz de bonnes gens
d’armes que la riviere estoit impossible
a passer. Si appella le roy ses II mares
chaux, le conte de Warvich et messire Gode
froy de Harecourt, et leur dist qu’ilz preissent
M hommes d’armes et IIM archiers et s’en
alassent tastant et regardant selon la
riviere de Somme s’ilz pourroient trouver
passage la ou ilz peussent passer sau
vement. Ainsi se partirent les deux ma
reschaux et passerent parmy Longpré
et vindrent au Pont Athemy qu’ilz trou
verent bien garny et bien defenduz de
grant foison de chevaliers et d’escuiers
et de gens du paÿs qui la estoient pour
ce assmbléz. Si vindrent la les Englois
et se mistrent a pié en bon couvenant
pour les François assaillir. Et y eut
tresgrant assaut et fort qui dura du
matin jusques a prime mais le dit
pont de la defence estoit si bien batillee
et fu si bien defendu que les Englois
n’y peurent riens conquerre. Ainçois
se partirent sans riens faire et che
vaucierent d’autre part et vindrent
jusques a une grosse ville que l’en
claime Fontaines sur Somme. Si l’ardirent
toute et roberent pour ce qu’elle n’estoit
point fermee. Puis vindrent a une
autre ville que on appellee Lonc en
Pontieu mais le pont estoit si gardé
que onques ne l’eussent peü prendre.
Ainsi avoit fait le roy de France pour
veoir et garnir tous les destrois et
les passages de la riviere de Somme, afin
que le roy d’Englettre ne son ost ne
peussent passer car il les vouloit
combatre a sa voulenté ou affamer
pardela la riviere de Somme.
SHF 1-267 sync Quant les mareschaux d’Engleterre
eurent ainsi un jour entier
tasté et chevaucié et costoiéz la ri
viere de Somme et ilz virent qu’ilz ne
trouveroient point de passage, ilz
retournerent arriere a Araines, ou
le roy estoit, leur seigneur, si lui re
cordent leur chevaucee et ce que

trouvé avoient. Ce meisme soir vint le
roy de France gesir a Amiens a plus de
CM hommes et estoit le paÿs d’environ
tout couvert de gens d’armes. Quant
le roy d’Engleterre eut oy la relation de ses II
mareschaux, si n’en fu mie plus lié ne
moins pensif et commença a muser fort
et a melencolier. Et commanda l’endemain
au plus matin qu’ilz feussent tous parmi
son ost appareilliés et que on suivist les
banieres des mareschaux. Quant le
matin vint, le roy eut oy messe devant
souleil levant, si sonnerent les trompettes
de deslogement et chevaucierent toutes
manieres de gens ensuiant les banieres
des II mareschaux, qui estoient tout
devant. Si cheminerent tant en tel estat
parmy le paÿs de Vismeu qu’ilz approchierent
la bonne ville d’Abbeville, ou grant plenté
des gens du paÿs estoient recueilliz sur
la fiance d’un pou de defence qu’il y avoit,
et le cuidierent bien tenir contre les
Englois. Mais en venant, ilz furent
envayz et assailliz si durement qu’ilz
perdirent la place et gaingnierent les
Englois la ville et tout ce qu’il y avoit
dedens et y eut tué et pris grant foison
des hommes de la ville et du paÿs d’en
viron. Si se loga le dit roy d’Engleterre ou
grant hospital. Adont estoit le roy de
France a Amiens et avoit ses espies et
ses coureurs qui couroient sur le paÿs
et lui rapportoient le couvenant des
Englois et entendy qu’ilz aloient vers
Abbeville si pensa qu’il l’enclorroit entre
Abbeville et la riviere de Somme. Tantost
ordonna un grant baron de Normandie,
appellé messire Godemar du Fay, a aler
garder le passage de la Blanchetaque,
qui siet dessoubz Abbeville, par la ou il
couvenoit les Englois passer et non par
ailleurs. Si se parti le dit messire Godemar
du Fay du kay atout M hommes d’armes
a cheval et VM a pié parmy les Genevois.
Tant exploita qu’il vint a Saint Riquier
en Pontieu et de la au Crotay, ou le dit
passage siet. Et encore emmena il ainsi
qu’il chevauçoit celle part grant foison
des gens du paÿs et manda les bourgois pb 98 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.