The Online Froissart

Facsimile mode Settings Browse | Collate

pb 5 r

en grant tribulacion, si comme vous
orréz recorder avant en l’istoire.¹²
SHF 2-90 sync Comment le duc de Bretaigne se tint
par long temps en Flandres, et comment
il partist du conte son cousin, et du
conte de Sallebery qui luy vint au
devant a Gravelingues et passerent oultre.

Miniature

Nous pouons et devons bien
croire que le roy de France
fut bien informéz de toutes
ces choses, dont il ne l’en
ama mie mieulx, et bien
disoit que le conte de Flandres estoit un moult
orgueilleux prince. Et pouoit on bien
veoir par ses parolles qu’il eust vou
lentiers veü que aucun lui eust porté
dommage ou contraire, par quoy son
grant orgueil eust esté abatuz. ¶ Le
conte de Flandres, quoyque le roy lui e
script que c’estoit grandement a sa des
plaisance ce qu’il tenoit le duc de
Bretaigne decoste lui, ne lui donna
oncques pour ce congié, mais le retint
deléz lui tant qu’il lui plout a estre.
Ains lui tenoit son estat grant et
estoffé, tant que en la fin le duc ot
conseil et voulenté de s’en retourner
en Angleterre. Et prist congié du con
te et s’en vint a Gravelingue ou le
conte de Salebery l’estoit venu querir
atout VC lances que l’en mena a Ca
lais. Et quant il ot sejourné a Calais

environ V jours, il ot vent a voulenté.
Si monta en mer et le conte de Sallebery
en sa compaignie. Si arriverent a Dou
vres et de la ilz vindrent devers le jeune
roy Richart qui le receut a grant joye,
et aussi firent le duc de Lancastre, les
contes de Cantebruge et de Bouqueghen
et les haulx barons d’Engleterre.¹³
SHF 2-91 sync Vous avéz bien ouy cy dessus re
corder comment messire Walerans
de Luxcembourc, le jeune conte de Saint
Pol, fut pris des Anglois par bataille entre
la bastide d’Ardre et de Calais, et fut menéz
en Angleterre prisonnier en la voulenté
du roy. Car le roy Edouart d’Angleterre,
lui vivant, l’achata du seigneur de Gomme
gnies, qui avoit esté son maistre. Car le
sire de Gommegnies avoit mise sus la
chevauchee en la quelle il fust pris d’un
escuier, bon homme d’armes, de la conté
de Guerles.¹⁴Si demoura grant temps
ly jeunes contes de Saint Pol prisonnier
en Angleterre sans avoir sa delivrance.
Bien est verité que le roy d’Angleterre,
le Captal de Beuf vivant, le offry pluseurs
foiz au roy de France et a ses amis pour
le dit Captal, mais le roy Charles ne le
conseil de France n’y vouloient nullement
entendre ne donner pour eschange, dont
le roy d’Angleterre avoit grant indigna
cion. Si demoura la chose longuement
en cel estat, et le jeune conte de Saint
Pol prisonnier en Angleterre ens ou beau
chastel de Wuidesore et avoit si courtoise
prison que il pouoit partout aler esba
tre et jouer et voler des oyseaux envi
ron Wesmoustier Wuidesore, de ce estoit
il receuz sur sa foy. ¶ En ce temps se te
noit madame la princesce mere du roy
Richart d’Angleterre a Wuidesore et sa fille
deléz lui, madame Mahaut, la plus belle
dame de toute Angleterre. Le conte de Saint pb 5 v

Display By:	Folio Manuscript Chapter SHF Chapter

Manuscript:
Navigate By:	Folios Manuscript Chapters Edition Chapters Printed Editions
Go To:

Return to Manuscript

Facsimile	Manuscripts are displayed with a layout and visual style which reflects the original manuscript as closely as possible.
Edition	Manuscripts are displayed in a more readable style resembling a modern edition.
Synchronise by word	Every collated word becomes a link. Clicking on a word will synchronise all open manuscripts to that word.
DMF	With this setting, every word becomes a link to the online Dictionnaire du Moyen Français (DMF). Clicking on a word opens a window listing relevant entries on the DMF website.

Horizontal	Viewing windows extend horizontally across the page.
Vertical	Viewing windows extend vertically down the page.